Кыһыл арыгы туһалаах дуо?
Олох-дьаһах

Кыһыл арыгы туһалаах дуо?

Бүгүн кыһыл арыгы туһунан дойҕохтору кэпсэтиэхпит.

Кыһыл арыгы доруобуйаҕа туһалаах диэн дойҕохтор тарҕаналлар,  тэлэбииһэргэ, киинэҕэ көрдөрөллөр. Учуонайдар дакаастаабыттарынан, 200 грамм кыһыл арыгыны истэххэ, киһи толкуйдуур дьоҕура, информацияны ылынара 18-20 күн буолан баран биирдэ чөлүгэр түһэр. Итинтэн көстөрүнэн, киһи арыгыны ыйга иккитэ иһэр буоллаҕына, кини мэйиитэ ыйы быһа дьааттаах сылдьар, ол дьаатыттан сатаан ыраастаммат.

Аны туран, кыһыл арыгы туһалаах сүмэһиннээх дииллэр. Кырдьыга, кыһыл арыгыны оҥороллоругар, виноград сүмэһинин барытын сүтэрэр, виноградтан тахсыбыт саахар этиловай испииргэ кубулуйар. Ону тэҥэ билиҥҥи арыгылар бары кэриэтэ химическэй булкадаһыктан оҥоһуллаллар.

Патологоанатомнар этэллэринэн, күн аайы кыралаан да арыгы иһэр киһи оннооҕор мэйиитин кээмэйэ кыччыыр, айар-тутар дьоҕура мөлтүүр, болҕомтото ыһыллар.

Эмтэнэбин диэн ааттаан, кыһыл арыгыны иһэр дьон, сүрэхтэрин тымырдара ыарытыйар, миокард, ишемия, кардиосклероз, стенокардия буулуон сөп, бүтэһик уһугар,  гипертониянан ыалдьаллар.

Өссө тымныйан ыарыйдахха, арыгыта иһиҥ, оччоҕо тумуу ааһан хаалар диэн дойҕох норуокка үгүстүк тарҕаммыт. Франция билимин академията дакаастаабытынан, арыгы грипп, атын да ыарыылар вирустарыгар туох да охсууну оҥорбот, өлөрбөт. Арай арыгы иһэр дьон доруобуйалара айгырыыр.

Кыралаан да «култуурунайдык» арыгы иһэр дьон  үлэлиир кыахтара, таһымнара мөлтүүр, айар-тутар дьоҕурдара намтыыр. Холобур, 1 үрүүмкэ буоккаттан 10.000 мэйии үлэлии сылдьар килиэккэлэрэ хаһан да төннүбэттии өлөллөр.

Онон, арыгы дьаат, дьааты атыылаһымаҥ – инникигитин сарбынымаҥ!

Матвей Лыткин, СӨ Арыгы атыытын сүрүннүүр управление салайааччыта.

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

7 − 4 =