Куйаастан уҥа-уҥа биэтэги иккис атыллаабыт Артур Бурцевы күрэхтэһииттэн тохтоппуттарын туһунан күрэхтэһии ыстаарсай судьуйата биллэрэн үгүс киһини соһутта.
Быраабыла ирдэбилинэн дистанцияҕа сылдьар спортсмеҥҥа көмөлөһүө суохтаахтар уонна байаатаннаан сүүрэр суолтан тахсыбыта эмиэ учуоттаныллыбат эбит. Дьиҥэр «көмөлөһүү» диэн бэрт күүркэтиилээх сыанабыл курдук эрээри, успуорт быраабылаларын утары туох да диир кыахпыт суох. Спортсмен аҥаарыйбытын көрөн биир ыалдьааччы төбөтүгэр уу куппута уонна хас да киһи көмөлөһөөрү гыммыттарыгар Артур туора илгибитэ. Ол да буоллар, биэтэккэ диэри бүтэһик хардыылары оҥорор кэмигэр спортсмены туора дьон көмөлөһөн өйөөбүттэрэ видео-устууга көстөр. Кыһыылаах эрээри, успуорт диэн успуорт буоллаҕа, быраабыла кытаанах. Онон 10000 миэтэрэҕэ түмүк уларыйда.
Уус Алдантан Егор Карпов.