Бэҕэһээ дистанцияттан уһуллубут Артур Бурцев “туругум эппиэттиир” диэн бүгүн 5000 миэтэрэҕэ кыттарын биллэрбитэ.
Бүгүн 5000 м сүүрэр күрэхтэһээччилэр арыый атын ньыманы тутустулар. 10 эргиир кэриҥэ орто тэтими тутан сүүрдүлэр. Тиһэх эргиирдэргэ тэтими эбэн барбыттарыгар, Бэрдьигэстээхтэн бастакы миэстэни былдьаспыт Дьулустаан Елисеев уонна Артур Бурцев инники тахсыбыттара. Тиһэх түгэҥҥҥэ диэри Дьулустаан кыайыан сөп курдуга. Ол эрээри, Уус Алдан сүүрүгэ тиһэх миэтэрэлэргэ Елисеевы ситэн ылан, эрэллээхтик бастакы миэстэни ылла. Бэҕэһээ 10000 м кыайыылааҕа Мэҥэ Хаҥалас хамаандатын сүүрүгэ Константин Дрогунов биэтэккэ төрдүһүнэн кэллэ.
Артур Бурцев: “Иккис буолар буоллум дии санаабытым. Ол эрээри, көрөөччүлэр күүспэр күүс эптилэр, дойдум туһугар сүүрдэҕим дии. Онон эмискэ кыахпар кыах эбиллэн кыайыыны ситистим. Биир дойдулаахтарбар улахан махталбын тиэрдэбин!”, — диэн санаатын үллэһиннэ.