Арассыыйа 177 үрдүк үөрэҕин тэрилтэтэ социальнай суолталаах ыччат бырайыактарын олоххо киллэриигэ грант ыллылар.
edersaas.ru
Кинилэр кэккэлэригэр Уһук Илинтэн аҕыс үрдүк үөрэх кыһата, ол иһигэр Саха сириттэн Арктикатааҕы судаарыстыбаннай агротехнологическай университет (эрдэ: Саха судаарыстыбаннай тыа хаһаайыстыбатын академията) баар.
Арктикатааҕы судаарыстыбаннай агротехнологическай университет «Улахан кыра дьоруойдар: дьиэ кыыллара Аҕа дойдуну көмүскүүр Улуу сэрии сылларыгар» диэн бырайывга «Патритотическай иитии» номинация кыайыылааҕа буолла. Куонкрус граныгар тирэҕирэн, АСАТУ базатыгар 2020 сыл ахсынньы ыйга ыччат өрөспүүбүлүкэтээҕи патриотическай кэнпириэнсийэтэ ыытыллыаҕа. ⠀Тэрийээччилэр биллэрэллэринэн, ыччат гранын куонкруһугар кытарга дойду үрдүнэн 352 үрдүк үөрэх кыһатыттан барыта 2214 сайаапка киирбит. Бу туһунан Арктикатааҕы судаарыстыбаннай агротехнологическай университет пресс-киинэ иһитиннэрэр.
Раиса Сибирякова, «Саха сирэ» хаһыат, edersaas.ru