Арктикатааҕы навигация түмүктэнэрэ чугаһаата

Бөлөххө киир:

«Өлүөнэтээҕи холбоһуктаах пароходство» ПАУо билиҥҥи сүрүн сыалынан-соругунан  Арктикатааҕы навигацияны түмүктээн, суудуналары Өлүөнэ өрүскэ киллэрии буолар.  Бүгүн, алтынньы 14 күнүгэр, «Капитан Богатырев»  уонна «Капитан Слобожанин» Певектэн  Зеленай Мыска  төнүннүлэр.

Сибиир суудуналара  Чукотка автономнай уокуругар Чаунскайдааҕы электро-ыстаансыйаҕа (ТЭС) таас чоҕу тиэртилэр уонна Халыма өрүскэ «Софрон Данилов» буксиры кытта кыһыны кыстыахтара. Зеленай Мыска Черскэй бөһүөлэгин авиапордун балаһатын өрөмүөнүгэр туһаныллыахтаах билиитэлэри сүөкүү сылдьаллар.

Аллараа Дьааҥы тардыытыгар баар улуустарга  аналлаах таһаҕас барыта тиэрдиллибит, суудуналар Дьааҥы өрүскэ кыстыахтара. «Ленанефть-2О6З; 2054; 2055; 2031; 2030» танкердар Быков Мыска докумуоннарын толорбуттарын кэнниттэн тута Өлүөнэ өрүс үөһэ өттүгэр уһуннулар. Кинилэри «Капитан Бабичев» ледокол «Рион» буксиры кытта арыаллыыр.

Сарсын, алтынньы 15 күнүгэр, Быков Мыска «Капитан Бородкин» ледокол «Капитан Орлов»  уонна «Вадим Тюрнев» теплоходтары арыаллаан тиийиэ. «Капитан Буровскай»  буксир  Быков Мыска суудуналары күүтэн турар уонна кинилэри кыстыыр сирдэригэр диэри арыаллыаҕа.  Бэҕэһээ Жатайдааҕы суудунаны өрөмүөннүүр собуокка «Капитан Суханов», «ТО-1545», «Механик Винокуров», «СК-2018», «СОТ-1116», «СОТ-1112», «СК-2049» суудуналар уонна  МП-2505, М-53, МП-2568 баарсалар кыһыны кыстыырдыы кэлэн турдулар. Флоту көрөр-истэр, туһанар управление салалтата суудуналар экипажтара навигацияны түмүктүүр түһүмэххэ болҕомтолоохтук, эппиэтинэстээхтик сыһыаннаһалларын хонтуруоллуур.

+1
0
+1
0
+1
0
+1
0
+1
0
+1
0
+1
0