“Арктика учууталлара” бырайыак иитинэн эдэр учууталларга төлөбүр көрүллүөҕэ
05.12.2020
“Арктика учуутала” бырагыраама иитинэн сотору кэминэн Арктика улуустарыгар үлэлии барбыт учууталларга эбии төлөбүр көрүллүөҕэ. Ити туһунан СӨ үөрэҕин уонна наукатын миниистирин бастакы солбуйааччы Ирина Любимова “Саха” НКИХ “Талбан” биэриитин кэмигэр иһитиннэрдэ.
“Арктика учуутала” бырагыраама үлэлиир. Ол иитинэн быйыл саҥа барбыт учууталларга аҕыйах хонугунан көмө оҥоһуллуоҕа. Билигин докумуона оҥоһулла сылдьар. Онон кинилэргэ биирдэ бэриллэр (подъемнай) уонна үлэлиир сирдэригэр барбыт айаннарын төлөбүрэ төлөнүөҕэ” – диэн миниистири солбуйааччы иһитиннэрдэ.
Манна даҕатан эттэххэ, үбүлээһинэ кыайтарбакка, бу төлөбүр 2017 сыллаахха тохтообута. Кимнээх хапсалларый? Төлөбүрү 35-гэр диэри саастаах, Арктика улууһугар үлэлии барбыт, үөрэх тэрилтэтин кытта үлэ дуогабарын түһэрсиэҕиттэн кэлиҥҥи 3 сылга тустаах төлөбүрү туһамматах Арассыыйа олохтоохторо ылыахтарын сөп.
Людмила ПОПОВА, “Саха сирэ” хаһыат, edersaas.ru
Мария ВАСИЛЬЕВА (СИА) хаартыскаҕа түһэриитэ.
+1
+1
+1
+1
+1
+1
+1