Арктика социальнай-экэнэмиичэскэй сайдыытын Стратегията бигэргэннэ!

Ааптар: 
Бөлөххө киир:

Ил Дархан Айсен Николаев бүгүн  Өлөөн эбэҥки-национальнай улууһугар үлэлиир.

edersaas.ru

Айсен Николаев Арктика улуустарын кэлим сайыннарыыга тирэх буолар “Саха Өрөспүүбүлүкэтигэр Арктика түбэтин социальнай-экэнэмиичэскэй сайдыытын Стратегиятын туһунан” ыйаахха илии баттаата.

Айсен Николаев өссө бастакы Анал этиитигэр Арктика сайдыытын биир чорботуллар сорук быһыытынан бэлиэтээбитэ итиэннэ боппуруоһу кэлимник быһаарар инниттэн, Арктика министиэристибэтин тэрийбитэ. Саҥа министиэристибэ сүрүннээһининэн, 2018 сылтан саҕалаан Арктика түбэтин социальнай-экэнэмиичэскэй сайдыытын стратегията ырытыллан оҥоһуллубута. Бу үлэҕэ өрөспүүбүлүкэ бары министиэристибэлэрэ, биэдэмистибэлэрэ, Арктика улуустара итиэннэ федеральнай, экспертэр, уопсастыбанньыктар кыттыыны ылбыттара.
Арктика социальнай-
экэнэмиичэскэй сайдыытын Стратегията – 2035 сылга диэри Арктиканы кэлим сайыннарыы бырагыраамата – атын судаарыстыбаннай бырагыраамалары кытары алтыһан, тыйыс айылҕалаах, уһук хотугу улуустарга хамсааһыны таһаарыы төһүү ырычааҕа буолуоҕа. Бүгүҥҥү күнтэн, дойдуга бэриниилээх буолуу сылыттан саҕалаан, былаас бары тиһигэ, бэлитиичэскэй уонна уопсастыбаннай күүстэр бу дьоһун соругу олоххо киллэриигэ бары бииргэ турунуохтара.

Ыйааҕы бу ссылканан киирэн билсиҥ https://sakha.gov.ru/news/front/view/id/3204989

Раиса Сибирякова, «Саха сирэ» edersaas.ru

+1
0
+1
0
+1
0
+1
0
+1
0
+1
0
+1
0