Маны аах Тырааныспар

«Арктика кынаттара» хамаанда ураты бырайыагы толкуйдаата

2021 сыл устата Саха сиригэр ыччакка анаммыт «Саха сирин талааннара» диэн куонкурус ыытылла турар. Түмүктүүр түһүмэххэ финалистар бөлөхтөрүнэн арахсан өрөспүүбүлүкэбит сайдыытыгар туһуламмыт кэскиллээх бырайыактары онордулар.

«Арктика кынаттара» диэн ааттаах хамаанда улуус иһинэн көтөр рейстэргэ анаммыт саҥа сервиһи бэлэмнээтэ. Маны Арктика оройуоннарыгар туһанарга этиини киллэрдэ. Сервис бөһүөлэктэр икки ардыларынааҕы көтүүлэргэ сайаапкалары хомуйар уонна сүрүннүүр. Онон авиахампаанньаны уонна Арктика оройуоннарын ситимниир былаһаакка буолар.

Черскэй аэропуорда өрөмүөҥҥэ сабыллыбытынан сибээстээн, СӨ Тырааныспарга уонна суол хаһаайыстыбатыгар министиэристибэтэ Аллараа Халыма улууһугар бу сервиһи туһанарга быһаарыныыны ылынна. Миниистир Владимир Сивцев этэринэн, бу сервис оройуон иһинээҕи көтүүлэр схемаларын судургутутар эбит. «For flight» рейстэри бэлэмнээһини цифровизациялыыр кыахтаах.

Идиэйэ ааптардара сервис оройуон иһинээҕи көтүүлэргэ ханна баар сириттэн (эбэтэр бөһүөлэк ханна баарыттан) уонна интэриниэт ситимигэр холбонууттан тутулуга суох наадалаах иһитиннэриини, биллэриини хааччыйарын бэлиэтииллэр. Ону таһынан, сервис Арктика оройуоннарын интэриниэккэ холбонууларын уонна куттала суох буолуу ирдэбиллэрин бары усулуобуйаларын учуоттаан туран оҥоһуллубут.

Онон бу сервис биһиги ырыынакпытыгар ордук табыгастаах уонна куттала суох буолар.

Бырайыак туһунан сиһилии «Инстаграмҥа» баар страницаҕа көрүҥ: @wings_of_the_arctic.

1
0
Telegram @edersaas20