Уопсастыба

Арктика күнүн дорҕоонноохтук, туһалаахтык

Бүгүн Саха Өрөспүүбүлүкэтигэр Арктика күнэ дорҕоонноохтук бэлиэтэнэр. Бу анал күн,  СӨ Ил Дарханынан олорбут Егор Борисов Ыйааҕынан, 2014 сыллаахха бигэргэтиллибитэ. Тэрээһин Саха сирин арктическай оройуоннарын өйүүр, сайыннарар, норуоттары түмэр, сомоҕолоһуннарар сыаллаах ыытыллар. 


Кулун тутар 14 күнүттэн муус устар 5 күнүгэр диэри Саха сирин үрдүнэн Арктика Күнүгэр анаммыт тэрээһиннэр тиһиктээхтик салҕаналлар. Олортон биирдэстэринэн, «Арктика — инновация территорията» диэн далааһыннаах быыстапка буолар. СӨ  Арктиканы сайыннарыыга уонна хотугу норуоттар дьыалаларыгар министиэристибэтэ Дьокуускай куорат бары олохтоохторун уонна ыалдьыттарын Арктика күнүн чэрчитинэн ыытыллар тэрээһиннэргэ көхтөөхтүк кыттаргытыгар ыҥырар.
Арктиканы сайыннарыыга уонна хотугу норуоттар дьыалаларыгар миниистир Александр Саввинов бэлиэтээбитинэн, «Арктика — инновация территорията» быыстапкаҕа  тэрилтэлэр, түмсүүлэр көхтөөхтүк, өрө көтөҕүллэн кытталлар. Бүгүн «Куруһаала» атыы-эргиэн дьиэтигэр, быыстапкаҕа, кинилэр саҥа, сонун бырайыактарын, оҥоһууларын бар дьон көрүүтүгэр-истиитигэр таһаараллар. Бу үлэлэр барыта хоту сир дьонун-сэргэтин олоҕор-дьаһаҕар туһалаах, наадалаах буолалларынан болҕомтону ордук тардаллар. Манна Арктика кыылын-сүөлүн үөрэтэргэ, харыстыырга туһуламмыт научнай үлэлэр, араас оҥоһуктар баар буолуохтара диэн этэллэр.
0
0

Добавить комментарий