Арассыыйатааҕы футбол сойууһа тэрийэр «Эдэр ыччат футболун лигатыгар» Саха сириттэн «Арктика» Футбол республикатааҕы анал спортивнай оскуолатын сүүмэрдэммит хамаандата кытта сылдьар.
Лига бастакы тууругар оонньуу Дьокуускайга Туймаада стадиоҥҥа буолан ааспыта. «Арктика» футбол хамаандата Белогорскайтан «Белогорец» хамаанданы кытары оонньоон 2:0 кыайан тураллар. Кыайыыны аҕалбыт голлары саба түһээччи Арсен Лыткин уонна хамаанда хапытаан Никита Угай киллэрбиттэрэ
«Арктика» футбол хамаандатын саба түһээччитэ Арсен Лыткин киллэрбит гола
«Арктика» футбол хамаандатын хапытаана Никита Угай киллэрбит гола
Иккис туурга «Арктика» футбол хамаандата бэс ыйын 6 күнүгэр Петропавловскайдааҕы Камчатка куоракка «Вулкан» хамаанданы кытары оонньообута, хомойуох иһин, 2:1 хотторбуттара. Матч 62 мүнүүтэтигэр «Арктика» көмүскээччитэ Артем Турляков ыстарааптыыр тэбиигэ 40-чэ миэтэрэ ыраахтан гол киллэрэн, хамаандатыгар очко аҕалбыта уонна «Туур бастыҥ гола» аатын ылары ситиспитэ.
Бүгүн, бэс ыйын 13 күнүгэр, Дьокуускай бириэмэтинэн 16.00 ч Комсомольскайдааҕы Амур «Строитель» стадионугар «Арктика» футбол хамаандата олохтоох куорат 2 нүөмэрдээх Олимпийскай резервэлэр спортивнай оскуолатын иитиллээччилэрин кытары күөн көрсүөхтэрэ.
Лига үһүс туура «Триколор» ханаалыгар быһа эпииргэ Дьокуускай бириэмэтинэн 16.00 чааска бу сигэнэн көстүөҕэ
https://history.tricolor.tv/sub/history/handler.php
Видеолар «Арктика» футбол хамаандатын Инстаграмыттан ылылыннылар
Надежда Ильина, edersaas.ru