Култуура Маны аах

«Арктика амтана» — сэргэх тэрээһин

Москваҕа бу күннэргэ буола турар «Арктика амтана» хотугу куукуна бэстибээлигэр EALLU «Молодёжь коренных народов, культура питания и перемены в Арктике» бырайыак биһирэмэ буолла.

«Бу олус үчүгэй бырайыак. Биһиги манан норуоппут ураты үгэһин, эгэлгэтин, бүттүүн сайдыытын көрдөрөбүт, — диэн Ил Дархан Айсен Николаев «Аан дойду табаһыттара» ассоциация салалтатын, бырайыак көхтөөх кыттааччыларын кытары сэһэргэһэригэр этэр. — Туох да саарбаҕа суох биһиги бу бырайыагы өйүөхпүт. Тоҕо диэтэххэ, бу гуманитарнай эрэ өттүттэн буолбакка, Арктика сирэ-уота бүтүннүү сайдарыгар суолталаах».
Бырайыак иитинэн Арктика ыччата Хотугу гастрономическай үгэһи, экэниэмикэ сайдыытын үөрэтэр.
Өрөспүүбүлүкэ Ил Дархана көрсүһүү кэмигэр Арассыыйа эрэгийиэннэриттэн уонна аан дойдуттан Хотугу төрүт олохтоох норуоттар бэрэстэбиитэллэрин 2022 сылга балаҕан ыйыгар Саха сиригэр ыытыллар Хотугу пуорумҥа кыттарга ыҥырда.
0
0
Telegram @edersaas20