Уһук Илин, Хотугу сир уонна Арктика бөһүөлэктэригэр үлэлии кэлбит быраастарга 2 мөлүйүөн солкуобай суумалаах биир кэмнээх төлөбүрү биэриэхтэрэ дуо? Маннык этиини РФ Доруобуйа харыстабылын министиэристибэтэ киллэрдэ.
Бырайыак быһыытынан, үөһээ этиллибит эрэгийиэннэр нэһилиэнньэлээх пууннарыгар, оробуочай бөһүөлэктэригэр, куорат тииптээх бөһүөлэктэригэр үлэлии кэлбит быраастарга – 2 мөлүйүөнү, биэлсэрдэргэ, акушеркаларга уонна мэдиссиинискэй сиэстэрэлэргэ 1 мөлүйүөнү биэрэр туһунан этиллэр.
Ону таһынан ыраах сытар уонна тиийэргэ ыарахан усулуобуйалаах сирдэр быраастарыгар — 1,5 мөлүйүөн, биэлсэрдэргэ, акушердарга уонна мэдиссиинискэй сиэстэрэлэргэ 750 тыһыынча бэриллиэн сөп.
Министиэристэбэҕэ быһаарбыттарынан, биир кэмнээх төлөбүр «Тыа сирин дуоктара» бырагыраама кыттыылаахтарыгар ис тыырсыы чэрчитинэн оҥоһуллар. Сабаҕалаан көрүүнэн, 2023 сылга 1 тыһыынча курдук быраас уонна 400 орто мэдиссиинискэй үлэһит бырагыраамаҕа кыттара күүтүллэр. Онтон салҕыы сыл аайы 1,5 тыһыынча кэриҥэ киһи сыл кыттыаҕа.
Надежда ЕГОРОВА, «Саха сирэ», edersaas.ru