СӨ бырабыыталыстыбатын бэрэссэдээтэлин бастакы солбуйааччыта Алексей Колодезников видеосибээһинэн өрөспүүбүлүкэҕэ таһаҕаһы тиэйиигэ бырабыыталыстыба хамыыһыйатын мунньаҕын ыытта.
edersaas.ru
Навигация саҕаланыаҕыттан уопсайа 759 158,1 туонна араас таһаҕас тиэллибит. Ол иһигэр судаарыстыба наадыйыытыгар – 552 503,1 т. Миэстэлэринэн 476 563,6 т тириэрдиллэн, былаан 38,5% туолла. Билигин Дьааҥы, Индигир, Халыма өрүстэринэн уонна Лаптевтар муораларынан депонационнай саппааһы тиэйии саҕаланна.
Хамыыһыйа мунньаҕар гидрологическай уонна судоходнай балаһыанньа боппуруоһа эмиэ көтөҕүлүннэ. Ол курдук өрүс түгэҕин дириҥэтии үлэлэрэ ыытыллалар.
Түмүккэ, Алексей Колодезников таһаҕаһы тиэйиигэ эппиэттээх салайааччыларга арктическай навигация аһыллыытыгар флоту бэлэмнииргэ сорудахтаата. Арктикаҕа навигация бу ый 20 күнүттэн саҕаланыахтаах.
edersaas.ru
+1
+1
+1
+1
+1
+1
+1