Михаил Архипов: «Суһал көмөнү уонна босхо мэдиссиинэни оҥоруу оннунан хаалыаҕа»
От ыйын 1 күнүгэр буолуохтаах, Конституцияҕа уларытыылары киллэрэр куоластааһын туһунан дьон-сэргэ бэйэтин санаатын үллэстэр.
МИХАИЛ АРХИПОВИЧ АРХИПОВ, АММА ОРОЙУОННААҔЫ БАЛЫЫҺАТЫН КЫЛААБЫНАЙ БЫРААҺА:
— Төрүт Сокуоҥҥа доруобуйа харыстабылын өттүгэр уларытыылар киирэллэрэ сөптөөхтөр дии саныыбын. Нэһилиэнньэ доруобуйатыгар көмүскэллээх буоларын курдук 132-с ыстатыйа саамай сөптөөх. Суһал көмөнү уонна босхо мэдиссиинэни оҥоруу оннунан хаалыаҕа. Онон сибээстээн, нэһилиэнньэҕэ доруобуйа харыстабылыгар улахан боппуруостар туруохтара суоҕа.
Сокуон ыстатыйалара үгүстэрэ уруккуларынан хаалаллар, кыра уларытыылар эрэ киирэллэр. Ол уларытыылар биһиэхэ Доруобуйа харыстабылын федеральнай сокуонун 323-с ыстатыйатыгар сөп түбэһэр. Дьон бу хайысхаҕа сөптөөх көмүскэллээх буолар.
От ыйын 1 күнүгэр Төрүт Сокуоҥҥа уларытыылары киллэриигэ куоластааһыҥҥа норуоту көхтөөхтүк кыттарга ыҥырабын.
Айтана Аммосова, edersaas.ru