Алевтина Аргунова: «Арассыыйа аан дойду 5 бастыҥ дойдутун ахсааныгар киириэн наада»

Бөлөххө киир:

От ыйын 1 күнүгэр буолаары турар дойду Төрүт Сокуонун саҥардар куоластааһыҥҥа ньурбалар култуура салаатыгар улахан болҕомтолорун уураллар.

Алевтина Аргунова, Ньурба улууһун үөрэҕин салаатын начаалынньыга, Улуус мунньаҕын дьокутаата:

—  Төрүт Сокуоҥҥа киирэр уларытыы бас-көс дойдулар алтыс технологическай сайдыыларыгар, ол эбэтэр искусственнай интеллект, роботтар, биотехнология, генетика, үрдүк технологиялаах мэдиссиинэ үлэлиир үйэтигэр киирэргэ кыах биэрэр. Арассыыйа эмиэ өркөн өйүн уһугуннаран, манна кыттыһыан, аан дойду 5 бастыҥ дойдутун ахсааныгар киириэн наада.

Ону таһынан, балысхан сайдыы кэмигэр төрүт култуурабытын, өбүгэ үгэһин умнуо суохтаахпыт. Норуот генетическэй уонна историческай уратытын харыстаан илдьэ сылдьыахтаахпыт. Култуураны судаарыстыба инники күөҥҥэ тутар знамя курдук харыстыыр.

Төрүт Сокуоҥҥа киирэр уларытыы култуураны көмүскүүр уонна харыстыыр уһун үйэлээх сокуоннары бигэргэтэргэ кыах биэрэр. Ол иһин тус бэйэм бу быыбарга хайаан да кыттар санаалаахпын, дойдуларын инникитин саныыр дьон эмиэ туора турбаттарыгар ыҥырыам этэ.

edersaas.ru

+1
0
+1
0
+1
0
+1
0
+1
0
+1
0
+1
0