Ардай аһыылаахтар элбээн иһэллэрэ дьиэ кыылын-сүөлүн иитиинэн дьарыктанар хаһаайыстыбаларга улахан кутталы үөскэтэр.
СӨ Экология, айылҕаны туһаныы уонна ойуур хаһаайыстыбатын министиэристибэтэ тэрийбит научнай-тэхиньиичэскэй сэбиэтин мунньаҕар, өрөспүүбүлүкэҕэ бөрө хайа эргин ордук үөскүүрүн дьүүллэһиилэригэр, киин уонна соҕуруулуу-арҕаа эҥээрдэргэ кыһалҕаны үөскэппиттэрэ бэлиэтэннэ. Бу туһунан тустаах министиэристибэ пресс-сулууспата иһитиннэрдэ. Ити эҥээрдэргэ дьиэ кыылыгар-сүөлүгэр саба түһүүлэрэ аҕыйаҕа суох. Маныаха кэнники уон сылга бөрө ахсаана 3,5 тыһыынчаттан халбаҥнаабат, эбиитин элбиир чинчилэммит. Ол иһин, көдьүүстээх дьаһаллар ылыллаллара наадата тирээбитин иһитиннэрэр.
Экология министиэристибэтин сүбэ мунньаҕын түмүгүнэн, анал уонна мобильнай биригээдэлэри эбэргэ, саҥа ньыманы туһанан төһө бөрө баарын быһаарарга, ордук киин уонна соҕуруулуу-арҕаа улуустарга бу хайысхаҕа үлэни күүһүрдэргэ этиллибит. Бөрөһүттэр испииһэктэрин оҥорорго уонна кинилэри үөрэтэргэ куурустары тэрийэргэ, ону сэргэ научнай тэрилтэлэри кытары кыттыһан спутнигынан мониториннааһыны туһанарга итиэннэ бөрөлөр көһүүлэрин чинчийэргэ этии киирбит.
+1
+1
+1
+1
+1
+1
+1