Мэҥэ-Хаҥалас улууһун биир саамай кырдьаҕас, баай устуоруйалаах нэһилиэгэ Бүтэйдээх 567 быыбардааччылаах. Төһө даҕаны сарсыардаттан ардах-хаар түһэн, таһырдьа инчэҕэй буоллар, лоп-курдук 8 чааска бастакы быыбардааччылар кэлбиттэрэ.
—Туох да кэһии суох. Быыбар биһиги нэһилиэкпитигэр буолла. Билигин бүлүтүөннэри ааҕыы бара турар, — диэтэ “Биир ньыгыл Арассыыйа” партияттан кэтээн көрөөччү Марина Давыдова.
Кулууп дьиэ оттуллан, сып-сылаас. Онуоха эбии, бу күн манна оҕуруот аһын, бэйэ оҥорбут бородууксуйатын, ас-үөл дьаарбаҥкатын тэрийэннэр, дьон-сэргэ болҕомтотун тартылар. Ыал ийэлэрэ-аҕалара, эбээлэрэ-эһээлэрэ дьиэлэригэр илии тутуурдаах, өттүк харалаах тиийэннэр, оҕолорун, сиэннэрин үөртүлэр.
Татьяна Маркова, edersaas.ru
+1
+1
+1
+1
+1
+1
+1