Нам улууһун Арбын нэһилиэгэр зондировщик-сөмөлүөт үлэтин кэнниттэн уон ыал олбуорун уу ылбыт диэн сурах тарҕанна.
Нэһилиэк баһылыгын Борис Борисович Бугаевы кытта төлөпүөнүнэн сибээстэстибит:
— Уу таһыма үрдээн, билиҥҥи туругунан, уон ыал олбуоругар уу киирдэ. Ол иһигэр сэттэ хаһаайыстыбаннай тутууну ылла. Ыксаллаах быһыыны-майгыны уу дьиэ иһигэр киирдэҕинэ биллэриэхпит. Зондировщик-сөмөлүөт биһиэхэ ардаҕы түһэрэ илик.
Бүгүн күнүс түөрт чааска СӨ нэһилиэнньэтин олоҕор-дьаһаҕар куттал суох буолуутун хааччыйар судаарыстыбаннай кэмитиэт бэрэссэдээтэлин бастакы солбуйааччы Иннокентий Андросов салалталаах сөмөлүөт кэлиэхтээх этэ даҕаны, манна сөмөлүөт түһэр сирэ суох.
Ульяна ЗАХАРОВА.
+1
+1
+1
+1
+1
+1
+1