Дьокуускай эдэр режиссера Максим Арбугаев «Бой» диэн документальнай киинэтэ Ыччат национальнай киинэ бириэмийэтин шорт-лииһигэр киирдэ. Бу туһунан Роскультцентр пресс-сулууспата иһитиннэрэр.
Арбугаев киинэтэ «Бастыҥ документальнай киинэ» номинация испииһэгэр иккиһинэн турар. Бириэмийэ кыайыылаахтарын Москваҕа ахсынньы 3 күнүгэр биллэриэхтэрэ. «Бастыҥ үлэлээхтэр норуоттар икки ардыларынааҕы киинэ бэстибээлигэр кыттар кыахтаныахтара. Оттон биһиги бириэмийэбитигэр кыайбыт киинэни БРИКС дойдуларыгар — Бразилия, Арассыыйаҕа, Индияҕа, Кытайга, Соҕуруу Африкаҕа көрдөрүөхтэрэ,» — диэн иһитиннэриигэ суруллубут.
Бу куонкурус сүрүн сыалынан саҥа тахсар режиссердары өйөөһүн буолар. Кыайыылаахтары «Стелла» айар устуудьуйа генеральнай дириэктэрэ Федор Попов, «ТЭФИ», «Ника» бириэмийэлэр лауреаттара Сергей Мирошниченко, режиссер Владимир Фенченко уо.д.а. быһаарыахтара.
edersaas.ru
Хаартыска — vgik.info
+1
+1
+1
+1
+1
+1
+1