Арассыыйаттан тахсыбатах дьон “омикронунан” ыалдьыбыт түгэннэрэ бэлиэтэммит

Ааптар: 
Бөлөххө киир:

Арассыыйаттан ханна даҕаны тахсыбатах эрэгийиэн олохтоохторун ортотугар коронавирус “омикрон” штаммыгар сыстыбыт түгэннэрэ бэлиэтэннэ диэн доруобуйа харыстабылын миниистирэ Михаил Мурашко иһитиннэрдэ.

“Бүгүн саҥа штаммы биһиги дойдубутугар аҕалыы түгэннэрэ эрэ көстөр буолбатах. Эрэгийиэннэргэ Арассыыйаттан ханна даҕаны тахсыбатах дьон “омикронунан” ыалдьыбыт түгэннэрэ бэлиэтэнэллэр”, — диэн коронавирус тарҕаныытын бохсор ыстаап уонна бырааһынньык күннэригэр мэдиссиинэ көмөтүн тэрийэр мунньах кэмигэр эттэ.

Арассыыйа эрэгийиэннэригэр саҥа штамм тарҕаныытынан дьоһуннаах сэрэтэр миэрэлэри ылар ирдэнэрин бэлиэтээтэ. “Бу вирус олус сыстыганнаах, түргэнник тарҕанар”, — диир.

Мурашко этэринэн, саҥа штаммы утары олохтоох бахсыыналар көдьүүстээхтэрин дойду учуонайдара бигэргэппиттэр. Ону тэҥэ, Спутник V бахсыына “омикрон” штаммыгар арҕааҥҥы дойдулар бахсыыналарыгар тэҥнээтэххэ хас да төгүл үрдүгүн ыйар. “Бүгүҥҥүтэ үгүс дойдуларга саҥа штаммынан ыалдьыы ахсаана олус элбэҕэ көстөр – сүүһүнэн тыһыынча, оннооҕор мөлүйүөнүнэн киһи ыалдьар. Маныаха бахсыынаны ылары күүһүрдэр уонна кэмигэр ревакцинацияланар ирдэнэр ” – диэн миниистир эбэн эттэ.

Роспотребнадзор чахчытынан, 2021 сыл ахсынньы 30 күнүнээҕи туругунан Арассыыйаҕа 103 киһи коронавирус саҥа штаммынан ыалдьыбыта бигэргэммит.

ТАСС

+1
0
+1
0
+1
0
+1
0
+1
0
+1
0
+1
0