«Арассыыйатааҕы Норуот Фрона» хорсун быһыы үөрэҕин ыытта

Ааптар: 
Бөлөххө киир:
 Арассыыйатааҕы Норуот Фрона тэриллии бэрэстэбиитэллэрэ Дьокуускай куорат М.И. Кершенгольц аатынан 9-с нүөмэрдээх орто оскуолатыгар устуруойунан хаамыы күрэхтэһиитигэр сырыттылар уонна «Хорсун быһыы үөрэҕин» ыыттыылар.

М.И. Кершенгольц аатынан 9-с нүөмэрдээх орто оскуолаҕа уруккуттан патриотическай иитиини ыыталлар уонна араас таһымнаах тэрээһиннэргэ көхтөөхтүк кытталлар. Сыл аайы патриотическай итии ыйа буолар. Ол ыйга оҕолорго идэни талыы туһунан кэпсэтии, «төгүрүк остуол» уонна араас  тэрээһиннэр ыытыллаллар. Ол иһин, «Арассыыйатааҕы Норуот Фрона» тэриллии бу оскуолаҕа ыалдьыттаата.

Үөрэнээччилэрдиин уонна учууталлардыын Саха Өрөспүүбүлүкэтигэр «Норуот Фрона» тэриллии чилиэнэ, Афганистан сэриитин бэтэрээнэ Валерий Лютый көрсөн кэпсэттэ. Устуруойунан хаамыы күрэхтэһиитэ ыытылларын көрөн, оҕону иитии үлэтэ үчүгэйдик барарын уонна үрдүк таһымнаах тэрээһиннэр тэриллэллэрин бэлиэтээтэ.

Валерий Лютый, Саха Өрөспүүбүлүкэтигэр «Норуот Фрона» тэриллии чилиэнэ:

— «Оҕону патриоттуу иитии инники күөҥҥэ сылдьыахтаах. Хас биирдии үөрэнээччи устуоруйаны билиэхтээх, өбүгэлэрин үлэлэрин, кыайыыларын сыаналыахтаах. Аҕа дойдуну көмүскээччилэр күннэригэр аналлаах куонкурустар, күрэхтэһиилэр, устуруойунан хаамыылар оҕолорго патриотическай санааны үөскэтэллэр». 

«Арассыыйатааҕы Норуот Фрона» тэриллии патриотическай тэрээһиннэргэ сыл аайы сылдьар уонна көхтөөхтүк ылар. Сыл устата уопсастыба чилиэннэрэ араас тэрээһиннэри, патриотическэй ааксыйалары ыыталлар.

Олунньу 21 күнүгэр, Валерий Лютый «хорсун быһыы үөрэҕин» Дьокуускайдааҕы классическай гимназия ахсыс кылааһын үөрэнээччилэригэр ыыппыта. Кини оҕолорго патриотизм, дойду дьоруойдарын, Арассыыйа куттала суох буолуутун туһунан кэпсээбитэ.

Николай Попов, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0