«Промобит» хампаанньа Арассыыйаҕа оҥоһуллубут «Байкал-М» процессорга олоҕурбут ноутбугу 2022 сыл бүтүүтэ оҥорон таһаарар былааннааҕын сыл аннараа өттүгэр биллэрбитэ.
Бу күннэргэ «Промобит» хампаанньа кэмиэрчэскэй дириэктэрэ Яна Брыш сериянан тахсарга бэлэм ноутбук прототибын хаартыскаҕа түһэрэн интэриниэккэ таһаарда.
“Илиибэр BITBLAZE TITAN ноутбук предсерийнэй прототибын тутан турабын. Бу биһиги дойдубутугар айыллыбыт Байкал-М процессор «сүрэхтээх» Арассыыйа ноутбуга. Дьоҕус ыйааһыннаах, алюминий куорпустаах, 5 чаас кэриҥэ уокка холбонуута суох үлэлиир. Араас үлэҕэ тургута сылдьабыт”, — диэн билиһиннэрбит.
BITBLAZE TITAN 15,6-дюймнаах IPS экраннаах, 2 киилэ кэриҥэ ыйааһыннаах ноутбук буолара биллэр. Сыл бүтүүтэ 1000 кэриҥэ ноутбук оҥоһуллан тахсыахтаах. Сыанатын 100-120 тыһ. солк кэриҥэ буолуо диэн сабаҕалыыллар.