Дойду бастыҥ оскуолаларын кэккэтигэр Саха сирин сэттэ оскуолата киирбит. Ити туһунан СӨ үөрэҕин уонна наукатын миниистирэ Владимир Егоров ааспыт сыллааҕы отчуот кэмигэр иһитиннэрдэ. edersaas.ru
Ол курдук, Арассыыйа 500 бастыҥ оскуолатын кэккэтигэр В.П.Ларионов аатынан физико-техническэй лиссиэй, Дьокуускай куорат лиссиэйэ, Нерюнгритааҕы лиссиэй киирбиттэр. Онтон Тыа сирин 200 бастыҥ оскуолаларын кэккэтигэр Нам улууһун, Бэрдьигэстээх гимназиялара, Өктөм лиссиэйэ ааттаммыттар. Ону таһынан Оҕо дьоҕурун сайыннарар 200 оскуолалар испииһэктэригэр Өрөспүүбүлүкэтээҕи лиссиэй-интэринээт, В.П.Ларионов аатынан физико-техническэй лиссиэй, Дьокуускай куорат лиссиэйэ бааллар.
Итиннэ даҕатан эттэххэ, ааспыт сылга СӨ Ил Дарханын гранын иһин куонкуруска 37 уопсай үөрэхтээһин тэрилтэтэ кыайыылаах тахсыбыт. Инновационнай бырайыагы олоххо киллэриигэ Ил Дархан гранын 10 тэрилтэ ылбыт.
Людмила ПОПОВА, “Саха сирэ” хаһыат, edersaas.ru
Хаартыска: интэриниэттэн.