Арассыыйа Тас дойду дьыалаларыгар министиэристибэтэ Саха сирэ тас дойду партнердарын кытта бииргэ үлэлэһиилэригэр көмөлөһүөҕэ
Кулун тутар 29 күнүгэр Арассыыйа Тас дойду дьыалаларыгар министиэристибэтигэр статс-сэкирэтээр – Арассыыйа Федерациятын тас дойду дьыалаларыгар миниистирин солбуйааччы Евгений Иванов Саха сирин Ил Дархана Айсен Николаевы кытта көрсүһүүтэ буолла.
Кэпсэтии кэмигэр Саха Өрөспүүбүлүкэтин норуоттар икки ардыларынааҕы бииргэ үлэлээһинин сайдыытын сытыы боппуруостарын дьүүллэстилэр. Өрөспүүбүлүкэ салалтатын экэниэмикэҕэ тас сибээстэр географияларын кэҥэтиигэ, норуоттар икки ардыларынааҕы дьоһун суолталаах тэрээһиннэри ыытыыга көхтөөх оруолун бэлиэтээтэ.
Арассыыйа Тас дойду дьыалаларыгар министиэристибэтэ Саха Өрөспүүбүлүкэтин тас дойдутааҕы партнердары кытта араас өрүттээх бииргэ үлэлээһиннэригэр көмөлөһүөҕэ. Ону тэҥэ Саха АССР 100 сылыгар уонна Саха сирэ Арассыыйа судаарыстыбатын састаабыгар киириитин 390 сылыгар анаммыт Арассыыйа МИД иһинэн ГлавУпДК култуурунай киинигэр экэниэмикэҕэ уонна инвестицияҕа кыаҕын көрдөрөр сүрэхтэниитигэр бу сыл ахсынньы ыйга былааннаммыт тэрээһинин ыытыыга көмөлөһөргө бэлэмин биллэрдэ.
Бу туһунан Ил Дархан уонна Бырабыыталыстыба дьаһалтатын пресс-сулууспата иһитиннэрэр.
Женни Стрюкова бэлэмнээтэ.