Арассыыйа суруналыыстара уопуттарын атастастылар

Ааптар: 
Бөлөххө киир:

Ааспыт нэдиэлэҕэ Галина Бочкарева салайааччылаах Саха сирин суруналыыстарын сойууһа РФ Суруналыыстарын Сойууһун кытта холбоһон «Инфорум» диэн бэрт интэриэһинэй тэрээһини ыытта.

edersaas.ru

Эригийиэннэринэн сылдьан үлэлэһэр Арассыыйа ааттаах-суоллаах, ситиһииилээх суруналыыстара аныгы суруналыыстыка боппуруостарыгар араас сүбэлэри биэрдилэр, маастар кылаастары ыыттылар.

Ол курдук, спикердэр ортолоругар   телесуруналыыс, Пиэрибэй ханаал комментатор-кэриспэндьиэннэр иһитиннэрэрэр-кэпсиир быраагыраамаларын Дириэксийэтин   салайааччыта Антон Верницкэй, «Аргументы и факты» АУо эригийиэннээҕи сайдыыга уонна норуоттар икки ардыларынааҕы бизнескэ дириэктэрэ Виталий Непомнющай,«Комсомольская правда» холдинг  SMM дэпэртээмэнин салайааччыта Илья Лочканов уо. д. а. бааллар. Антон Верницкэй курдук идэтийбит телесуруналыыс сүрүннээн ютубка дьон бэйэтэ устар араас биэриилэригэр сыһыаннаах боппуруостарга хоруйудаата. Аныгы үйэ буолан, билигин ютубка баҕалаах киһи ханнык баҕарар ханаалы арыныан сөп. Аатырбыт телесурналыыс санаатын сүрүннээн суруналыыстыка эйгэтигэр саҥа хардыыны оҥорон эрэр эдэр суруналыыстар истиэхтэрин баҕараллар эбит.

Виталий Непомнющай маастар кылааһын ордук хаһыакка үлэлиир суруналыыстар интэриэһиргээтибит. Аатырбыт суруналыыс: «Ханнык баҕарар хаһыат бэйэтэ саайтаах буолуохтаах», — диэбитин «Саха сирэ» хаһыат суруналыыстара сөбүлүү иһиттибит. Саайпытын кэмигэр арыйан, билигин «Эдэр саас» норуот сөбүлээн ааҕар электроннай таһаарыытынан буолла диэн бэлиэтиэххэ сөп.

Ити курдук, айар эйгэ дьонугар бэрт туһалаах тэрээһин буолан ааста.

Елена ПОТОЦКАЯ, «Саха сирэ хаһыат», edersaas.ru

+1
0
+1
0
+1
0
+1
0
+1
0
+1
0
+1
0