Арассыыйа соҕуруу куораттарыгар көтүү хааччаҕа уһатылынна

Бөлөххө киир:

“Росавиация” иһитиннэрбитинэн, Арассыыйа соҕуруу куораттарыгар салгын тырааныспарынан көтүү ыам ыйын 19 күнүгэр диэри уһатылынна.

Олунньу 24 күнүттэн Арассыыйа 11 куоратыгар салгын тырааныспарынан көтүү тохтотуллан турар. Ол курдук, Анапа, Белгород, Брянскай, Воронеж, Геленджик, Краснодар, Курскай, Липецкай, Ростов-на-Дону, Симферополь, Элиста куораттар аэроропортара сөмөлүөттэри түһэрбэттэр. Авиахампаанньалар Сочи, Волгоград, Минеральные Воды, Ставрополь, Москва аэропортарынан дьону таһаллар.

Соҕуруу куораттарга сынньана барааччылар  массыынанан эбэтэр тимир суолунан айанныахтарын сөп. Крым Өрөспүүбүлүкэтин баһылыга Сергей Аксенов иһитиннэрбитинэн, төһө да Соҕуруу федеральнай уокурукка салгын тырааныспарынан көтүүгэ хааччахтар киирбиттэрин үрдүнэн, дьон сынньана кэлиитэ кыччаабат. Аҥаардас ыам ыйын өрөбүллэригэр арыы тумулга 333 тыһыынчаттан тахса киһи сынньаммыт. Билигин Крым туристары көрсөргө бэлэм олорор.

Аграфена КУЗЬМИНА

+1
0
+1
0
+1
0
+1
0
+1
0
+1
0
+1
0