Култуура Маны аах

Арассыыйа үрдүнэн алта мөлүйүөн киһи Пушкинскай каартаны ылбыт

Арассыыйа 6 мөлүйүөҥҥэ тиийэ 14-22 саастаах олохтооҕо Пушкинскай каартаны ылла диэн Объясняем.рф саайтка тустаах бырагыраама салайааччыта Александр Минаев иһитиннэрбит.

«Бүгүҥҥү күҥҥэ, үөрүүнү кытта, бүтүн Арассыыйа үрдүнэн 6 мөлүйүөнтэн тахса ыччакка Пушкинскай каарта баарын иһитиннэрэбин. Биһиги кэтээн көрүүбүтүнэн, бу каартаны Арассыыйа 14-22 саастаах дьонун уопсай ахсааныттан аҥаара туһанар эбит», — диэн салайааччы этэр.

Минаев бэлиэтииринэн, күннэтэ дойду үрдүнэн Пушкинскай каартанан сылдьарга 25 тыһыынча тэрээһин буолар. Ыччат ордук сөбүлээн киинэҕэ сылдьар эбит.

Киин куораттар ыччата каарта өҥөтүнэн туһанан Третьяковскай галереяҕа, «Федерация» башняҕа, Эрмитажка, Исаакиевскай соборга, Петергофка ордук элбэхтэ сылдьыбыттар.

0
0
Telegram Whatsapp