Паром сырыыта саҕаламмыта. Онуоха Саха сиригэр почта хаһыаты, сурунаалы, аһы-үөлү, наадалаах малы-салы ыраах олорор уонна суолунан сылдьарга эрэйдээх нэһилиэнньэлээх пууннарга өрүһүнэн тиһиктээхтик тиэрдэһэн иһэргэ үлэлэһэрин туһунан СӨ ФПСУ пресс-сулууспата иһитиннэрэр.
—Бүлүү эҥэр улуустарга сайыҥҥы навигациянан почта сырыыта түргэтиэҕэ. Оттон ыраах улуустарга нэдиэлэҕэ иккитэ сөмөлүөтүнэн таһаҕас ыытары салгыыбыт, — диэн СӨ ФПСУ дириэктэрэ Петр Птицын бэлиэтиир.
Муус барыаҕыттан, Ньурбаҕа уонна Сунтаарга почта олохтоммут араспысаанньанан, паромунан нэдиэлэҕэ биирдэ тиэрдиллэр. Салгыы почта массыыналара сибээс отделениеларыгар тиэрдэллэр. Биир сырыыга 12 туоннаҕа тиийэ таһаҕаһы тиэйэллэр. Оттон өрүс уҥуоргу өттүнээҕи улуустарга почта паромунан үстэ ыытыллар.
Өрүс уҥуоргу уонна Бүлүү эҥэр улуустар почталарыгар нэһилиэнньэҕэ социальнай суолталаах наадалаах мал-сал эрдэ тиэрдиллибитэ. Ыраах улуустарга баһыылкалар олохтоммут нуоруманан сөмөлүөтүнэн тиэрдиллэллэр.
+1
+1
+1
+1
+1
+1
+1