Арассыыйа олохтоохторун барыларын мэдиссиинискэй өҥөнөн хааччыйыахтаахпыт

Бөлөххө киир:

Дойду Аҕа баһылыга Владимир Путин пресс-кэмпириэнсийэтин буоларын курдук кини пресс-сэкиритээрэ Дмитрий Песков иилээн-саҕалаан ыытар. Бэрэсидьиэн Ново-Огаревоҕа олорон видеосибээһинэн тахсар.

Ново-Огаревоҕа тэриллибит былаһааккаҕа олорон үлэлиир ВГТРК суруналыыһа Арассыыйа мэдиссиинэтин билиҥҥи туругун туһунан ыйытта.

Онуоха Владимир Путин: «Хомойуох иһин, аан дойду үрдүнэн доруобуйа харыстабылын салаата коронавирус пандемиятыгар бэлэмэ суох этэ. Ол гынан баран, Арассыыйа системата атыттардааҕар көдьүүстээҕэ билиннэ. Коронавирус дьаҥа Кытайга тураатын кытары, Арассыыйа тута бэлэмнэнэн барбыта. Дойду үрдүнэн кылгас кэм иһигэр 277 тыһыынча куойканы бэлэмнээбиппит. Билигин саамай кылаабынайа — Арассыыйа олохтоохторун барыларын мэдиссиинискэй өҥөнөн хааччыйыахтаахпыт«, — диэтэ.