Арассыыйа олохтоохторугар эпидемия кэмигэр маҕаһыыҥҥа хайдах сылдьар туһунан сүбэлээтилэр

“Росконтроль” Бүтүн Арассыыйатаҕы туһанааччылар сойуустарын эспиэрдэрин сэбиэтэ пандемия кэмигэр маҕаһыыҥҥа хайдах сылдьыахха сөбүн туһунан сүбэлээтэ.

edersaas.ru

“Маҕаһыыннарга дьон аҕыйах кэмигэр сарсыарда эбэтэр киэһэ сылдьа сатааҥ», — диэн сүбэлээтэ гигиенист-быраас Андрей Мосов. Быылы туппат таҥаһы таҥна сатааҥ. Баттаххытын олох саба сылдьыҥ.
Маҕаһыыҥҥа бэйэ-бэйэҕититтэн икки миэтэрэ кэриҥэ тэйиччи сылдьа, тура сатааҥ. “Сөтөллөр, ытырдар дьонтон дьалты буола сатааҥ”, — диэн эбэн эттэ эмчит. Кини этэринэн, корзинатааҕар тэлиэгэни анньа сылдьан атыылаһыы ордук буолуоҕа.
Фабрика хаалаах табаардар ыалдьар киһи ол табаар үрдүгэр сөтөллүбүт буоллаҕына кутталлаах. Дьиэҕитигэр кэлэн баран ылан кэлбит табааргыт хаатын сииктээх таҥаһынан сотуҥ. Анал хаата суох табаары атыылаһартан туттунуҥ. “Харчыгыт ордугун биэрдэхтэринэ, саҥа купюралар вирустаах буолуохтарын сөп. Хаарталар уонна мобильнай тиһиктэр куттала суохтар”, — эбэн эттэ Мосов.

Онон маҕаһыыҥҥа сэрэхтээхтик сылдьыҥ .

Бэлэмнээтэ Женни СТРЮКОВА

Хаартыска: интэриниэттэн.