“Арассыыйа наукаларын академията уонна Саха сирин научнай-технологическай кэскилэ” онлайн-кэмпириэнсийэни көрүҥ

Бүгүн, муус устар 2 күнүгэр, 17.00 чаастан “Арассыыйа наукаларын академията уонна Саха сирин научнай-технологическай кэскилэ” диэн тиэмэҕэ онлайн-кэмпириэнсийэ ыытыллыаҕа.

Манна Арассыыйа Наукаларын академиятын бэрэсидьиэнэ Александр СЕРГЕЕВ уонна Саха Өрөспүүбүлүкэтин Ил Дархана Айсен НИКОЛАЕВ кыттыахтара.

АНА бэрэсидьиэнэ Александр Сергеев кулун тутар бүтүүтэ биһиги өрөспүүбүлүкэбитигэр ыалдьыттаан ааспыта, онно тугу бэлиэтии көрбүтүн, туох санааларга кэлбитин туһунан бу тэрээһин кэмигэр сырдатара былааннанар. Билигин биллэринэн, бу сырыы түмүгүнэн сайын Саха сиригэр академия улахан эспэдииссийэтэ тэриллиэҕэ.

Саха сирин тымныыта, археологическай булумньулар, сир баайын хостооһун, төрүт тыл сайдыыта, “Север” биэс эрэгийиэни түмэр киин туһунан ыйытыылар уонна кыһалҕалары быһаарыы таарыллаллара күүтүллэр.

Кэмпириэнсийэ онлайн киэбинэн ыытыллар.

Сэргээччилэр https://scientificrussia.ru/articles/yakutiya-forpost-nauchno-tehnologicheskogo-razvitiya-rossii сыылканан көрүөххүтүн сөп.

«Саха сирэ» хаһыат, edersaas.ru

Хаартыска: www.sakha.gov.ru