Арассыыйа национальнай тыйаатырдарын Кэнгириэһэ ыытыллыаҕа

Ааптар: 
Бөлөххө киир:

Бүгүн, бэс ыйын 23 күнүгэр, медиа-кииҥҥэ Арассыыйа национальнай тыйаатырдарын Кэнгириэһин тэрийэн ыытар уонна Дьокуускайга Александринскай тыйаатыр күннэригэр анаммыт пресс-кэмпириэнсийэ ыытыллар. Дьокуускайга бастакы Кэнгириэһи ыытар туһунан национальнай тыйаатырдар Ассоциацияларын көҕүлээһинин  Ил Дархан Айсен Николаев өйөөбүтэ.

Тэрээһиҥҥэ дойду 36 тыйаатырын уус-уран салайааччылара кыттыахтара. Бэс ыйын 24 күнүгэр былааннаммыт пленарнай мунньахха СӨ Ил Дархана Айсен Николаев, РФ Бэрэсидьиэнин Дьаһалтатын салайааччытын солбуйааччы Магомедсалам Магомедов, Татарстан Бэрэсидьиэнэ Рустам Минниханов кыттыыны ылаллар.
Сиэксийэлэринэн үлэҕэ национальнай тыйаатырдар сайдар суолларын, үөрэтэр бырагыраамалары, сырдатыы бырайыактарын дьүүллэһиэхтэрэ. Режиссердар Сойжин Жамбалова (Бурятия), Ильшат Мухутдинов (Башкортостан), Роман Дорофеев (Саха сирэ), Гульназ Минкина (Татарстан) тыйаатырдар бырайыактарыгар кыттыыны ылыахтара. Арассыыйа национальнай драматическай тыйаатырын кэлэктиибэ (Александринскай тыйаатыр) бэс ыйын 24 — 25 күннэригэр Саха тыйаатырын сыанатыгар испэктээк көрдөрүө.  Тыйаатыр уус-уран салайааччыта Валерий Фокин Арктикатааҕы култуура уонна ускуустуба судаарыстыбаннай институтун устудьуоннарын кытары көрсүөҕэ. Бу тыйаатыр дириэктэрэ Сергей Емельянов «Менеджмент в культуре и искусстве» үөрэнэр устудьуоннары көрсөн кэпсэтиэ. Хаартыскаҕа түһэрэр Владимир Постнов «Искусство фотографии в сценических искусствах» тиэмэҕэ маастар-кылаас ыытыа.
Далааһыннаах тэрээһин кыттыылаахтарыгар Олоҥхо тыйаатыра «Улуу Кудаҥсаны» көрдөрүө. «Лена» киинэ тыйаатырыгар Михаил Лукачевскай «Охота на Севере» киинэтэ буолуоҕа. «Арассыыйа — мин историям» пааркаҕа Саха сирин тыйаатырдарын сайдыытын историятын туһунан улахан экспозиция туруорулунна.
+1
0
+1
0
+1
0
+1
0
+1
0
+1
0
+1
0