Владимир Путин Федерация Сэбиэтигэр сылдьан, коронавирус пандемиятын туһунан маннык эттэ: «Эпидемия кэмигэр хас биирдии киһи олоҕо ураты күндүтүн сыаналыы үөрэннибит. Миэдиктэр үлэлэрин уустугун, мэдиссиинэ ситимэ сайдыылаах, түргэн-тарҕан буолара уопсастыба олоҕор сүдү оруоллаҕын өйдөөтүбүт. Аҕыйах ый устата биһиги мэдиссиинэбит кыаҕа биллэ тубуста. Бүгүҥҥү күҥҥэ Арассыыйа доруобуйа харыстабылын тиһигэ коронавируһу утары охсуһарга, итиэннэ тымныйан ыалдьыы вируснай инфекцията элбиир кэмигэр бэлэммит».
edersaas.ru
Манна даҕатан, Дойду Бэрэсидьиэнэ мэдиссиинэ саҥа кииннэр тутуллубуттарын, эмп-том оҥоһуллубутун, инфекцияттан көмүскүүр таҥас-сап баар буолбутун киэн тутта эттэ.
Санатар буоллахха, коронавирус дьаҥын утары вакцинаны аан бастаан Арассыыйаҕа айбыттара. Бу вакцина ковид-19 компонена суох, аҥардас киһи аденавируһугар олоҕуран үөскэтиллибит. Иккитэ төхтүрүйэн прививкаланнахха, иммунитет икки сыл сылдьар.
Клиническэй чинчийиилэр түмүктэринэн, биир да киһиэхэ куһаҕаннык дьайбатах.“Спутник V” вакцинаны Арассыыйаҕа икки сиргэ: Н.Ф. Гамалея аатынан эпидемиология уонна микробиология национальнай чинчийэр институтугар уонна «Биннофарм» хампаанньаҕа оҥороллор.
Маны сэргэ Владимир Путин COVID-19 аны иккис саҥа вакцина регистрацияны ааһара күүтүллэр диэн иһитиннэрдэ. Бу вакцинаны «Вектор» судаарыстыбаннай научнай киин оҥорбут.
Ирина Ханды, “Саха сирэ” хаһыат, edersaas.ru