«Арассыыйа лиидэрдэрэ» куонкуруска кыттарга ыҥыраллар

Бөлөххө киир:

Арассыыйа вице-премьерэ уонна цифровой сайдыыга миниистирэ төрдүс төгүлүн ыытыллар «Арассыыйа лиидэрдэрэ» куонкурус «Информационнай технологиялар» түһүмэҕэр кыттарга ыҥыраллар. Дойдубутугар олох бары эйгэтигэр туһаны аҕалар инновационнай быһаарыыларга сонун көрүүлээх үрдүк кылаастаах лиидэрдэр наадалар.

Куонкурус саайтыгар ЛидерыРоссии.рф муус устар 26 күнүгэр диэри регистрация буола турар. 55 сааһыгар диэри уонна икки сылтан ордук салайар үлэҕэ сылдьыбыт дьон кыттара ирдэнэр. Бу куонкурус цифровой технологияны билэр исписэлиистэри булар сыаллаах ыытыллар. Чуолаан «Информационнай технологиялар» түһүмэх РФ Бырабыыталыстыбатын бэрэссэдээтэлин солбуйааччытын өйөбүлүнэн ыытыллар.

«Бу эйгэҕэ лиидэр көннөрү кодер уонна программер эрэ буолбакка, киһи быһыытынан эргиччи сайдыылаах, элбэҕи билэр-көрөр, дойдутун устуоруйатын, култууратын билэр буолуохтаах. Онон хас биирдии Арассыыйа олохтооҕо цифровизация өттүнэн сайдыылаах буоларын бииргэ ситиһиэхпит», — диэн РФ Бырабыыталыстыбатын бэрэссэдээтэлин солбуйааччы уонна куонкурус кураатара Дмитрий Чернышенко кыттааччыларга туһаайан этэр.

Кыайыылаахтар Арассыыйа бастыҥ тэрилтэлэригэр үлэлээн уопутуруохтара, былаас уорганнарыгар үлэлиир кыахтаныахтара, стажировкалары ааһыахтара.

+1
0
+1
0
+1
0
+1
0
+1
0
+1
0
+1
0