Сэтинньи 24 күнүгэр Судаарыстыбаннай Дуума дьокутааттара Арассыыйа 2022 сыллаах уонна былааннаах 2023-2024 сылларга бүддьүөтүн барылын үһүс ааҕыыга бигэргэттилэр.
«Арассыыйа 2022 сыллаах бүддьүөтэ ааспыт сыллааҕыны кытта тэҥнээтэххэ, дохуоттаах чааһа үрдүгүнэн бигэргэннэ. Нэһилиэнньэҕэ социальнай өттүнэн өйөбүлү оҥорорго эбии үбү ыытар кыах баар буолла, ордук элбэх оҕолоох дьиэ кэргэни өйүүргэ», — диэн Судаарыстыбаннай Дуума Бэрэссэдээтэлэ Вячеслав Володин быһааран биэрдэ.
2022 сыл
Дохуот: 25,02 трлн солк.
Ороскуот: 23,69 трлн солк.
Дохуоттаах чаас үрдээһинэ: 1,32 трлн солк.
Баалабай ис бородуукта: 133,3 трлн солк. ( 3 % үрдүүр)
Национальнай бырайыактарга: 2,74 трлн солк.
Инфляция таһыма: 4 %
2023 сыл
Дохуот: 25,54 трлн солк.
Ороскуот: 25,24 трлн солк.
Дохуоттаах чаас үрдээһинэ: 299,1 млрд солк.
Баалабай ис бородуукта кээмэйэ: 141,88 трлн солк. ( 3 % үрдүүр)
Национальнай бырайыактарга: 2,88 трлн солк.
Инфляция таһыма: 4 %
2024 сыл
Дохуот: 25,83 трлн солк.
Ороскуот: 26,35 трлн солк.
Дэписсиит: 522,7 млрд солк.
Баалабай ис бородуукта кээмэйэ: 151,51 трлн солк. (3 % үрдүүр)
Национальнай бырайыактарга: 2,98 трлн солк.
Инфляция таһыма: 4 %
Кэлэр сылга эрэгийиэннэр бүддьүөттэрин тэҥнээн биэриигэ дотация быһыытынан 758 млрд 580 мөл. солк. көрүллүбүт, бу ааспыт сыллааҕар 40,3 млрд солк. үрдүк (5,6 % улааппыт).
2022 сылга эрэгийиэнэргэ уопсайа 3,201 трлн солк. көрүллэр.