Култуура Маны аах

Арассыыйа күнэ — «Арассыыйа — мин устуоруйам» пааркаҕа

Бүгүн, Арассыыйа күнүгэр, «Арассыыйа — мин устуоруйам» историческай пааркаҕа сылдьааччыларга киирии босхо буолла.

Бырааһынньык күн тиийбит ыалдьыттар тиэмэлэринэн экскурсияларга сырыттылар. Хас биирдии ыалдьыт бэйэтин баҕатынан маастар-кылааска Арассыыйа былааҕын, онтон да атыны гофрированнай кумааҕыттан оҥоро үөрэннэ. Маны сэргэ, үгэс буолбут «Дорообо, Дьокуускай» диэн сатыы хааман күүлэйдээһин тэрилиннэ. Бу сатыы айаҥҥа кыттааччылар тапталлаах куораттарын былыргы тутууларын, уулуссалар ааттарын, пааматынньыктар тустарынан элбэҕи биллилэр-көрдүлэр.

0
0