Бэс ыйын 12 күнүгэр — Арассыыйа күнэ. Бу күн Арассыыйа өркөн өрөгөй тойугун толоруу аахсыйата киэҥ хабааннаахтык ыытыллар. Бу туһунан СӨ Култуураҕа уонна духуобунай сайдыыга министиэристибэтэ иһитиннэрэр.
Эрэгийиэн бары олохтоохторо болкуоннарыттан, дьиэлэрин түннүгүттэн бу гимни ньиргиччи ыллыахтара. Онно Саха сирэ эмиэ кыттыаҕа диэн sakha.gov.ru суруллар. Саха сирин артыыстара тиэргэннэргэ кэнсиэртиэхтэрэ уонна түмүккэ Арассыыйа гимнин толоруохтара.
Дьокуускай куорат 203 микрооройуонугар, 35, 35/1, 36 куорпустар тиэргэннэригэр Суорун Омоллоон аатынан Опера уонна балет тыйаатырын артыыстара ырыа-тойук бэлэхтиэхтэрэ. Автодорожнай уулуссаҕа 13/1, 13 А, 13/1 Б дьиэлэр икки ардыларыгар Г.М.Кривошапко аатынан Судаарыстыбаннай филармония артыыстара кэнсиэртиэхтэрэ. «Туймаада» ансаамбыл 17 кыбартаалга 2/14, 2/18, 2/16 дьиэлэр тиэргэннэригэр ыллыахтара. Кэнсиэртэр 11 ч.30 мүн. саҕаланыахтара. Оттон өрөгөй ырыатын толоруу күнүс 12.00 чаастан буолуоҕа.
+1
+1
+1
+1
+1
+1
+1