Маны аах Тырааныспар

Арассыыйа ИДьМ бас билээччи өлбүтүн кэннэ массыынаны регистрациялааһын тохтуурун туһунан санатар

Арассыыйа ИДьМ бас билээччи өлбүтүн кэннэ массыынаны регистрациялааһын тохтуурун туһунан санатар. Массыынаны саҥа бас билээччи учуокка туруоруор диэри ыытара  табыллыбат.

Бу сыл 9 ыйын устата дойду киин куоратын суол-патрульнай сулууспатын сотрудниктара маннык 1100 тахса массыынаны тохтоттулар, диэн Арассыыйа ИДьМ дьиҥ бэрэстэбиитэлэ Ирина Волк иһитиннэрдэ.

Суоппардар регистрацияламматах массыынаны ыытыы иһин буруйга тардылыннылар, оттон регистрацияланар бэлиэлэри уонна регистрация туһунан сибидиэтэлистибэлэри туттулар.

— Массыынаны бас билии быраабын регистрациялаатахха уонна саҥа бас билээччигэ Госавтоиниспиэксийэ салаатыгар хаттаан регистрацияланнахха эрэ туһаныахха сөп. Маныаха массыынаҕын, нэһилиэстибэҕэ быраабыҥ туһунан сибидиэтэлистибэни, массыынаны учуокка туруорар киһи аатыгар толоруллубут ОСАГО полиһын көрдөрүөхтээххин, — диэтэ Ирина Волк.

Санатан эттэххэ, өлбүт дьоҥҥо регистрациялаах сылдьар массыыналары күүскэ тутууну массыыналаах киһи улахан саахалы таһаарбытын кэннэ саҕаламмыта. Онно биллибитинэн, бу массыынаҕа элбэх кэһии баара биллибитэ, бас билээччитэ өлбүтүнэн ыстырааба бөххө быраҕыллан испит.

Бу быһылаан кэнниттэн ГИБДД-га олохтон туораабыт массыынаны бас билээччилэр тустарынан иһитиннэрии суһаллык киирэр буолбута.

ГИББД балары регистрациялааһыны тохтотор, оттон нүөмэрдэрэ уонна регистрациялааһын туһунан сибидиэтэлистибэни ирдэбилгэ ыыталлар. Маннык массыынаны ыыта сылдьар киһи бастаан 500 солкуобайынан ыстарааптанар. Хаттаан түбэстэҕинэ быраабын быһаллар.

Массыынаны учуокка туруорууга бастакы уочаратынан тиксэр нэһилиэнньиктэргэ даҕаны нэһилиэстибэҕэ киириэр диэри бырааба суох. Кыбартыыраны бас билиэхтэрин сөп, оттон массыынаны – суох.

Ол эрээри юристарга уонна быраабы көмүскээччилэргэ регистрация туһунан сокуоҥҥа үгүс ыйытыылаахтар. Нэһилиэстибэҕэ бырааптаах киһиэхэ массыынаны ыытарын бобор эбээт. Нэһилиэстибэҕэ бастакынан тиксэр да бырааптаах киһи нэһилиэстибэҕэ киириэр диэри массыынаны учуокка туруорар кыаҕа суох.

Дьиҥэ, Гражданскай кодекс маннык кыаҕы биэрэр. ГК 1152 ыст. 1 пуунугар нэһилиэстибэни ылар туһугар нэһилиэнньик ылыахтаах диэн. Юрист Кирилл Муратов быһаарбытынан, нэһилиэстибэни ылыы ньымаларын РФ Гражданскай кодексын 1153 ыстатыйатынан олохтообуттар.

Ол эрээри бу бастакы пуунугар нэһилиэстибэни ылыахтаах сиригэр нотариуска нэһилиэстибэни ылыы туһунан сайабылыанньа биитэр нэһилиэстибэҕэ быраабы биэрэр туһунан сайабылыанньа бэриллиэхтээх. Ол эрээри массыыналары регистрациялааһын нэһилиэстибэни ылыы туһунан докумуону билиммэт. Массыынаҕа наадыйар нэһилиэнньиктэр бырааптарын күөмчүлээбэт туһугар балары уларыттахха хайдах буолуоҕай?

Владимир Баршев, “Российская газета” хаһыаттан

Хаартыска: тустаах хаһыаттан

Бэлэмнээтэ Женни Стрюкова

 

0
0
Telegram @edersaas20