«Арассыыйа Бочуоттаах полярнига» бэлиэнэн наҕараадаланнылар

Ааптар: 
Бөлөххө киир:

Бүгүн, ыам ыйын 21 күнүгэр, Полярник күнэ бэлиэтэнэр.

edersaas.ru

Бу суолталаах бырааһынньыгынан «Саха сирин Арктиката” эрэгийиэннээҕи уопсастыбаннай тэрилтэ салайааччыта,  Эргиэн промышленнай балаататын бэрэсидьиэнэ, Ил Түмэн дьокутаата Владимир Членов Хотугу сир, Арктика улуустарын сайдыытыгар кылааттарын киллэрэ сылдьар дьоҥҥо бэйэтин тус эҕэрдэтин тиэртэ.

«Полярник күнүн араас идэлээх дьон бэлиэтииллэр. Тыйыс климатическай усулуобуйалаах сиргэ үлэ ураты хорсун быһыыны, эппиэтинэһи, тулууру, идэҕэ бэриниилээх буолууну, санаа күүһүн эрэйэр«, — диэн бэлиэтиир Владимир Членов.

Ил Түмэн дьокутаата Владимир Членов бэйэтин тус эҕэрдэтигэр олус үөрүүлээх сонуну иһитиннэрдэ. РФ транспорга миниистирэ Евгений Дитрих  б.дь. муус устар 10 күнүнээҕи 24/Н №-дээх бирикээһинэн Арктика сирин-уотун сайыннарыыга өр кэмнээх тахсыылаах үлэлэрин иһин  Арктикаҕа сыһыаннаах Арассыыйа  эрэгийэннэрин  чулуу дьоннорун «Арассыыйа Бочуоттаах полярнига» бэлиэнэн наҕараадалаата. Кинилэр ортолоругар бааллар биһиги биир дойдулаахтарбыт, «Саха сирин Арктиката” эрэгийиэннээҕи уопсастыбаннай тэрилтэ  чилиэннэрэ:

  • Винокурова Ульяна Алексеевна — Култуура уонна искусство судаарыстыбаннай Арктическай институт циркумполярнай цивилизацияны чинчийэр научнай киинин чинчийээччи-профессора;
  •  Угаров Гавриил Спиридонович —  биологическай наука дуоктара,  М. К. Аммосов аатынан ХИФУ  профессора, уопсастыбаннай диэйэтэл;
  • Белов Николай Сергеевич — Ленатааҕы өрүс пароходствотын «Ленанефть-2041» теплоходун капитана, мэхээньик бастакы көмөлөһөөччүтэ;
  • Находкин Николай Александрович – СӨ Норуот хаһаайыстыбатын үтүөлээх үлэһитэ, «Куттала суох Арктика» («Безопасная Арктика») ХЭУо дириэктэрэ;
  • Чемезов Николай Николаевич — Булуҥ улууһун «Булуҥ национальнай (эвенкийскэй) нэһилиэгэ» СП дьаһалтатын баһылыга;
  • Федоров Георгий Николаевич – “Усуйаана улууһа (оройуона)” МТ баһылыга;
  • Бережнов Сергей Владимирович – Аллайыаха улууһун «Аллаиха» балыктааһын общинатын производственнай кэпирэтиибин баһылыга.

Бу маннык улахан суолталаах наҕарааданы ылбыт дьоммутугар итии-истиҥ эҕэрдэбитин тиэрдэбит уонна кинилэринэн киэн туттабыт!

                   

Елена ПОТОЦКАЯ, “Саха сирэ” хаһыат, edersaas.ru

          

+1
0
+1
0
+1
0
+1
0
+1
0
+1
0
+1
0