Уопсастыба

Арассыыйа биир эрэгийиэнигэр маасканы булгуччу кэтэри ирдээбэт буолуохтара

Удмуртия баһылыга Александр Бречалов олунньу 12 күнүттэн эрэгийиэҥҥэ маасканы булгуччулаахтык кэтии эрэсиимэ көтүрүллэрин  туһунан аһаҕас эпиир кэмигэр иһитиннэрдэ.

edersaas.ru

Маасканы кэтии  эрэсиимэ бээтинсэттэн булгуччу ирдэниллибэт буолуоҕа. Ол гынан баран,  ыалдьа илик дьону уонна вакцина маҥайгы уонна иккис түһүмэҕин ааспыт дьоҥҥо: “Бэйэҕитин харыстаныҥ, уопсастыбыннай миэстэҕэ маасканы кэтэ сылдьыҥ”, — диэн Бречалов сүбэлээтэ.

Маҕаһыыннар, кулууптар, киинэ, тыйаатыр саалалара эмиэ толору, хааччаҕа суох үлэлиэхтэрэ. Ол эрэн атыыһыттар, дьону кытта алтыһар менеджердэр маасканы кэтэллэрэ булгуччулаах. 65 саастаах дьон успуорт тэрээһиннэригэр сылдьаллара өссө даҕаны бобуллар, саалаларга “саахыматтыы” олордооһун хаалар.

Тохсунньу 21 күнүгэр Удмуртияҕа 190 киһи ыалдьыбыта биллибитэ, оттон олунньу 2 күнүгэр ыалдьыбыт дьон ахсаана 90 киһиэхэ диэри намтаабыт. Александр Бречалов бэйэтэ COVID-19 ыарыынан ыам ыйыгар ыалдьан баран үтүөрбүтэ. Барыта Удмуртияҕа 26,4 тыһыынча киһи ыалдьыбыт, 541 киһи өлбүт.

«Саха сирэ» хаһыат, edersaas.ru

Хаартыска udmurt.ru

0
0
Telegram @edersaas20

Добавить комментарий