Арассыыйа Бэрэсидьиэнин сорудахтара эрэгиийэн иһигэр авиатиэйиилэр тиксимтиэ буолууларын хааччыйыахтара
РФ Бэрэсидьиэнин Владимир Путин эрэгийиэн иһинээҕи тиэйиилэри сайыннарыыга сорудаҕа өрөспүүбүлүкэҕэ билиэттэри субсидиялааһын боппуруоһун быһаарарга, тарыыбын аччатарга көмөлөһүөҕэ диэн Саха сирин тырааныспарка уонна суолга хаһаайыстыбатын министиэристибэтэ эрэнэр.
Санаттахха, бу күннэргэ Владимир Путин 2021 сыл алтынньы 19 күнүгэр ыытыллыбыт РФ Судаарыстыбаннай Сэбиэтин Президиумун мунньаҕын түмүгүнэн кэккэ сорудахтары бигэргэппитэ. Арассыыйа Бэрэсидьиэнэ бырабыыталыстыбаҕа Госсэбиэт хамыыһыйаларын кытта 2022 сыл кулун тутар 30 күнүгэр диэри Тырааныспар стратегиятын олоххо киллэрии былаанын торумнуурга соруйбута.
Былааны оҥорууга кини авиациянан эрэгийиэн иһинээҕи тиэйиилэр маршруттарын ситимин кэҥэтэргэ уонна бу маршруттарынан айанныыр кыаллар (тиксимтиэ ) буолуутун тэрийэргэ дьаһайбыта.
Онон эрэгийиэн иһигэр тиэйиигэ олохтоох тиэйиигэ субсидиялааһын ньыматын кэҥэтии, онтон Саха сирин олохтоохторугар авиабилиэт сыанатын аччатыы былааннанар. Бу туһунан эрэгийиэн баһылыга Айсен Николаев уонна Салгын тырааныспарын федеральнай агентствотын салайааччыта Александр Нерадько көрсүһүүгэ кэпсэппиттэрэ.
Өрөспүүбүлүкэ салалтата РФ Бэрэсидьиэнин сорудаҕынан бу боппуруос чугастааҕы кэмҥэ диэри быһаарыллыа диэтилэр.
“Саха сирин курдук улахан эрэгийиэҥҥэ авиациянан сырыыга атын альтернатива суох уонна маны сайыннарыыга улахан болҕомто ууруллар. Арассыыйа Бэрэсидьиэнин сорудаҕын көмөтүнэн олохтоох маршруттарга авиатиэйиилэргэ тырааныспарынан хааччыйыы уонна удамыр сыана бопуруоһа быһаарыллыаҕа”, — диир тырааныспар уонна суол хаһаайыстыбатын миниистирин бастакы солбуйааччы Сергей Владимиров.
Туһааннаах министиэристибэҕэ чопчулаабыттарынан, олохтоох маршруттарынан пассажирдары тиэйиигэ федеральнай уонна өрөспүүбүлүкэ бүддьүөттэриттэн субсидияҕа наадыйыы кээмэйэ 3,8 млрд солк. тэҥнэһэр, маныаха 315,5 тыһ. пассажир тиэйиллиэхтээх.
Бэрэсидьиэн сорудахтарын кэрискэтигэр салгын суудуналарын пааркатын саҥардыы эмиэ киирэр. Өрөспүүбүлүкэ Тырааныспарка министиэристибэтин сорудаҕынан, биир кэлим Уһук Илиҥҥи хампаанньаны тэрийиинэн “Полярнай авиалиниялар” АК курдуктарга маннык суудуналары хааччыйыы күүтүллэр.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Бэлэмнээтэ Женни Стрюкова
Хаартыска:тустаах саайтан