Арассыыйа Бэрэсидьиэнин Анал этиититтэн: «Ис туризмы сайыннарарга болҕомто ууруохха»
“Кырата бу сыл устатыгар диэри, дойду иһинэн туризмҥа бараммыт айан төлөбүрүн 20% төнүннэрии бырагырааматын уһатарга этии киилэрэбин”, — диэтэ Арассыыйа бэрэсидьиэнэ Владимир Путин Анал этиитигэр.
edersaas.ru
Манна даҕатан, оҕо сынньалаҥын туһунан этии киллэрдэ. Ол курдук, оҕо сынньалаҥын төһө кыалларынан чэпчэтэр сыалтан, сайыҥҥы оҕо лааҕырдарыгар айан төлөбүрүн аҥаарын дьонугар төннөрөр ньыманы буларга ыҥырда. Ону таһынан Владимир Путин доруобуйаны көннөрөр оҕо лааҕырыгар путевка сыанатын аҥарын эмиэ судаарыстыба уйунарын курдук оҥорор оруннааҕын туһунан эттэ. Бэрэсидьиэн ааспыт сылга волонтер быһыытынан үлэлээбит ыччаты бириэмийэлиир туһунан ахтан аһарда. Холобур, сынньалаҥнарын кэмигэр айаҥҥа бараабыт үптэрин сорҕотун төннөрөр бырагырааманы оҥорор туһунан этии киллэрдэ.
«Саха сирэ» хаһыат, edersaas.ru