Сүрүн Уопсастыба

Арассыыйа Арктикатын кэскиллээх боппуруостарын тула

Учуонайдар мунньах бастакы күнүгэр доруобуйа харыстабылын тиэмэтин тула кэпсэттилэр. Иккис күҥҥэ тымныыга туһуламмыт боппуруостары ырыттылар.

Икки күннээх үлэ түмүгүнэн буолбут пленарнай мунньахха учуонайдар научнай кииннэр үлэлэрин хайысхаларын, тирээн турар боппуруостары, кэскиллээх сүүрээннэри олоххо киллэриини дьүүллэстилэр, санааларын атастастылар.

Быйылгы Наука уонна технология сылыгар Арассыыйа Арктикатын зонатыгар киирэр научнай кииннэр бииргэ үлэлээһиҥҥэ  сөбүлэҥ баттастыбыт. Коронавирус сыстыганнаах дьаҥынан сибээстээн үгүс научнай киин салайааччылара  Дьокуускайга кыайан кэлбэтилэр. Онон тэрээһин үлэ барыта куйаар ситиминэн барбыт буолан, мунньахпыт эмиэ онлайн-эрэсииминэн барда.

Дойду эригийиэннэрин учуонайдара кыттыылаах  көһө сылдьар мунньахха хайа наукатыгар сиртэн хостонор баайы чинчийии, Арассыыйа Арктикатыгар мэдиссиинэ уонна биология хайысхалырынан чинчийэр үлэни тэрийии,  тулалыыр эйгэни харыстааһын уо.д. а. суолталаах боппуруостары дьүүлэстибит, бииргэ үлэлээһиҥҥэ кэскиллээх хайысхалары торумнаатыбыт, — диэн Араассыыйа наукаларын академиятын Сибиирдээҕи отделениетын Саха сиринээҕи научнай киинин дириэктэрэ Михаил Лебедев кэпсээтэ.

 

Елена ПОТОЦКАЯ, “Саха сирэ” хаһыат, edersaas.ru

Хаартыска — Андрей Сорокин, СИА

0
0