Арассыыйаҕа өссө 33 киһи коронавирустаата

Ааптар: 
Бөлөххө киир:

Арассыыйаҕа бүтэһик күннэргэ коронавирустаабыт киһи ахсаана 147-ҕэ тиийдэ. Онтон 33 киһи саҥа ыалдьыбыт — Москваҕа 31 киһи, Томскайга уонна Новосибирскайга биирдии киһи ыарыйда диэн оперативнай ыстааб иһитиннэрбитин Ведомости суруйар.

Саҥа ыалдьыбыт дьон бары Европа дойдуларыттан кэлбиттэр эбит. «25 ыарыһах Коммунарка балыыһатыгар эмтэнэр. Түөрт киһи 2-с №-дээх ИКБ-га госпитализацияламмыт, олор истэригэр биир оҕо баар. Өссө биир оҕо Башляева аатынан балыыһаҕа эмтэнэр», — диэн ыстаабтан иһитиннэрбиттэр. Коронавирустааччылары кытта алтыспыт дьон, кинилэри таспыт такси суоппардара харантыынаатылар.

Билиҥҥитэ мэдиссиинискэй кэтэбилгэ 17 904 киһи баар диэн иһитиннэрэллэр. Эмтэнии кэнниттэн биэс киһини дьиэлэригэр ыыппыттар. Бүгүҥҥү күҥҥэ Арассыыйа үрдүнэн 122 854 киһи коронавируска тургутууну ааспыт.

Кулун тутар ортотугар бырабыыталыстыба коронавирус тарҕаммытынан экэниэмикэни тутар уонна олохтоохтору өйүүр былааны оҥорбута. Былаан быһыытынан 300 млрд солкуобайдаах пуонда тэриллиэхтээх диэн.

edersaas.ru

ТАСС хаартыската.

+1
0
+1
0
+1
0
+1
0
+1
0
+1
0
+1
0