Арассыыйаҕа смартфоҥҥа анаан саҥа «өйү» толкуйдуохтара
Арассыыйаҕа суотабай төлөпүөҥҥэ туһаныллар саҥа операционнай систиэмэни толкуйдуохтарын сөп. Бу туһунан РБК саайта иһитиннэрэр.
— Саҥа систиэмэни толкуйдуурга РФ сибээскэ уонна информационнай технологияларга экс-миниистирэ Леонид Рейман «НТЦ ИТ Роса» хампаанньата ылыста. Бырайыак ымпыга-чымпыга билиҥҥитэ биллибэт. Бу хампаанньа маныаха майгынныыр үлэлэри 2011 сылтан ыытар, — диэн иһитиннэриигэ суруллубут.
Таһаарыы суруйарынан, Арассыыйаҕа маннык систиэмэни оҥорбут соҕотох тэрилтэнэн «Открытая мобильная платформа» буолар. Кини «Аврора» операционнай систиэмэни толкуйдаабыта.
Эспиэрдэр этэллэринэн, арассыыйатааҕы операционнай систиэмэлэр омук бородуукталарын госструктураларга солбуйарга наадалар.
0
0
