Алтынньы 4 күнүнээҕи туругунан, Саха сиригэр коронавируһу утары барыта 501 355 быһыы кэлбит. Бастакы быһыыны 353 881 киһи ылбыт. Ону тэҥэ, 12 515 киһи быһыыны алта ый кэнниттэн хос ылбыт. Өрөспүүбүлүкэҕэ кэлбит вакцина 72%-на дьоҥҥо бэриллибит.
Өрөспүүбүлүкэтээҕи суһал ыстаап иһитиннэрбитинэн, билигин 165 киһи балыыһаҕа ыарахан туруктаах сытар. Ол иһигэр 30 киһи ИВЛ аппараатынан туһанар. Бу 165 киһиттэн 164 киһи быһыыны ылбатах эбит. Оттон быһыыны ылбыт дьон ыарыйдахтарына даҕаны, чэпчэкитик аһардаллар диэн суһал ыстаап санатар.
Коронавируһу утары быһыыны биэрэр былаан уларыйбыта. РФ бырабыыталыстыбатын бэрэссэдээтэлэ Михаил Мишустин атырдьах ыйын 18 күнүнээҕи сорудаҕынан, улахан дьон 80%—на быһыыны ылыахтаах диэн былааны туруорбут. Оччотугар эрэ кэлэктиибинэй иммунитет үөскүүр, ковид ыарыы кириип курдук саас-күһүн кэлэр чэпчэки ыарыыга кубулуйуо диэн миэдиктэр этэллэр. Бу иннинэ былаан 60% тэҥнэһэр этэ. Ол иһин сайын ордук хотугу улуустар былааннарын 100% толорон испиттэрэ.
“Роспотребнадзор” дааннайдарынан, балаҕан ыйын бүтүүтэ Саха сиригэр барыта 53 509 киһи коронавируһунан ыалдьыбыта бигэргэммит, 42 332 киһи үтүөрбүт, 1189 киһи өлбүт. Өлүү таһыма 2,2%-ҥа тэҥнэһэр. Сорох эрэгийиэннэргэ бу хобдох сыыппара 5-6% буолар эбит. Билигин өрөспүүбүлүкэҕэ барыта 10 тыһыынча кэриҥэ киһи ыалдьа сылдьар.
Арассыыйаҕа быһыы икки укуолун толору 41,7 мөлүйүөн киһи ылбыт. Ол нэһилиэнньэ 28,9%-на буолар. Аан дойду үрдүнэн 2,57 миллиард киһи быһыыны толору ылбыт, ол 33%-ҥа тэҥнэһэр. Холобур, АХШ-ка 184 мөлүйүөн киһи толору ылбыт, ол аата нэһилиэнньэ 56%-на эбит. Быһыыны ылыы бырыһыана ордук Европа дойдуларыгар үрдүк: Испания (77,4%), Италия (67,7%), Великобритания (67,1%), оттон Азия дойдуларыгар, төттөрүтүн намыһах: Индонезия (17,2%), Филиппины (18,8%). Ону тэҥэ, Пакистан (11,8%), Иран (16,8%) курдук дойдуларга быһыыны ылыы көрдөрүүтэ намыһах.
Оттон өрөспүүбүлүкэ үрдүнэн вакцинация хаамыыта хайдаҕый?
Дьокуускайга 2021 сылга 210 705 киһи ылыахтааҕыттан, былаан 62,05% туолбут. Былааны толорууга саамай үрдүк көрдөрүүлээх улууһунан Аллайыаха буолар (82,06%). Оттон саамай намыһах көрдөрүүлээх – Нам улууһа (48,81%).
Салгыы улуустары ылан көрөр буоллахха, балаҕан ыйын 27 күнүгэр балаһыанньа маннык.
Улуус аата |
2021 сылга былаан (киһи) |
Былаан туолуута (%) |
Абый |
2290 |
62.71 |
Аллайыаха |
1527 |
82.06 |
Алдан |
25 870 |
66.78 |
Амма |
8985 |
56.03 |
Аллараа Халыма |
2391 |
78.25 |
Бүлүү |
13 517 |
63.59 |
Булуҥ |
5007 |
54.44 |
Кэбээйи |
6889 |
54.95 |
Ленскэй |
21955 |
66.29 |
Нам |
13 550 |
48.87 |
Нерюнгри |
45 998 |
52.56 |
Ньурба |
12 677 |
65.9 |
Орто Халыма |
3887 |
79.8 |
Өймөкөөн |
4825 |
70.16 |
Өлүөхүмэ |
14 764 |
59.69 |
Сунтаар |
12 438 |
59.66 |
Таатта |
8832 |
61.89 |
Томпо |
7406 |
60.41 |
Уус Алдан |
11 017 |
51.13 |
Усуйаана |
3987 |
68.07 |
Уус Маайа |
4550 |
71.93 |
Үөһээ Бүлүү |
11 115 |
55.41 |
Үөһээ Халыма |
2444 |
79.21 |
Мииринэй |
37 891 |
71.58 |
Хаҥалас |
19 229 |
61.25 |
Чурапчы |
11 204 |
50.52 |
Дьааҥы |
6288 |
64.12 |
Эдьигээн |
2152 |
77.97 |
Эбээн-Бытантай |
1544 |
57.64 |
Мэҥэ Хаҥалас |
16 554 |
61.62 |
Муома |
1957 |
85.13 |
Анаабыр |
1920 |
62.71 |
Горнай |
6372 |
57.55 |
Ангелина Васильева, «Саха сирэ» хаһыат, edersaas.ru
Хаартыска: sakhagov.ru