Арассыыйаҕа коронавирустаабыттар ахсааннара 600 тыһыынчаттан таҕыста

Ааспыт күн чахчытынан, коронавирус дьаҥар хаптарбыт дьон ахсаана Арассыыйаҕа 606,8 тыһыынча киһи буолбут (7176 киһи ааспыт хонукка эбиллибит).

edersaas.ru

COVID-19 ыарыы туруоҕуттан дойду үрдүнэн 8513 киһи өлбүт (ааспыт хонукка 154 киһи). Үтүөрбүт дьон ахсаана 369 тыһыынчаҕа чугаһаабыт.

Бу дьаҥынан Москваҕа, муус устар ыйтан, сууккаҕа саамай аҕыйах ахсааннаах киһи сутуллубута бэлиэтэнэр, бэс ыйын 24 күнүгэр 811 киһи ыалдьыбыта бэлиэтэммит. Маныаха РФ Доруобуйа харыстабылын миниистирэ Михаил Мурашко бу улахан куоракка дьоҥҥо ыарыыны утарылаһар күүс үрдээн эрэрин этэр.