Арассыыйаҕа коронавирус тарҕаныытын тэтимэ намтаан иһэр

Ыам ыйын 10 күнүгэр Арассыыйа үрдүнэн 4531 киһи коронавирус ыарыыга сутуллубута чахчыламмыт.

Балыыһаҕа коронавирустаан тыһыынча кэриҥэ киһи киирбит – бу ол иннинээҕи күн көрдөрүүтүттэн 17,9% намыһах. 101 киһи дьаҥтан өлбүт, оттон 5014 киһи үтүөрбүт.

5 тыһыынчаттан аллараа көрдөрүү Арассыыйаҕа бүтэһигин 2020 сыл балаҕан ыйыгар чахчыламмыта биллэр. Ол күн 4995 киһи сутуллубута биллибитэ.