Муус устар күнүнээҕи туругунан, Арассыыйаҕа 8817 киһи коронавируһунан ыалдьыбыт. Пандемия саҕалыныаҕыттан барыта 4 580 894 киһи ыалдьыбыта бигэргэммит.
Муус устар ый ортотугар “үһүс долгун” кэлиэ дииллэрэ оруннаах дуо? Бүгүҥҥү күнү ылан көрдөххө, ыарыы ахсаана 0,19%-нан үрдээбит. Бары эрэгийиэннэргэ кыралаан үрдээһин баар. Саамай кыра үрдээһин Чукотскай автономнай уокурукка (0%), Магадан уобалаһыгар уонна Тываҕа (0,01%), Сахалин уобалаһыгар (0,05%) баар. Оттон саамай элбэх ыалдьыы: Санкт-Петербурга 711 киһи, Москва уобалаһыгар — 598, Нижегородскай уобаласка — 276, Ростовскай уобаласка — 241, Воронежскай уобаласка – 203 киһи ыалдьыбыт.
Суукка иһигэр 8212 киһи үтүөрэн тахсыбыт. Барыта 4 204 081 киһи үтүөрбүт эбит. Оттон 276 439 киһи эмтэнэ сылдьар.
Суукка иһигэр 357 киһи тыына быстыбыт. Барыта 100 374 киһи өлбүт. Өлүү ахсаана ыалдьыбыт дьон ахсааныттан быһа холоон 2,19%-ҥа тэҥнэһэр.
Ангелина Васильева, “Саха сирэ” хаһыат, edersaas.ru