Арассыыйаҕа «Instagram» социальнай ситимҥэ ханыылыы «Россграм» диэн ситими таһаарыахтара. Бу туһунан бырайыак тус саайтыгар иһитиннэрэллэр диэн «Российская газета» суруйар.
“2022 сыл кулун тутар 28 күнүгэр “Инстаграмҥа” майгынныыр бары үөрэммит толорор функциялардаах итиэннэ Android уонна iOS мобильнай сыһыарыылардаах Арассыыйатааҕы ситим тахсыаҕа. Ону тэҥэ, “Россграмҥа” туһанааччыларга эбии үнүстүрүмүөннэр баар буолуохтара – контеҥҥа төлөбүрдээх көҥүл, краудфандинг, реферальнай бырагыраама, о.д.а. Билигин чэпчэтиилээх бастакы туһанааччы буолар кыахтааххыт. Бастаан көҥүл топ-блогердарга уонна бииргэ үлэлэһэр тэрилтэлэргэ (спонсор, инвестор) аһыллыаҕа”, — диэн бырайыак саайтыгар этиллэр.
Көннөрү туһанааччыларга социальнай ситим 2022 сыл муус устарыгар аһыллыаҕа диэн ыйыллар. Социальнай ситими оҥорооччу Александр Зобов диэн. Кини “ВКонтакте” уонна Telegram төрүттээччитин Павел Дуровы кытта биир кууруска үөрэммит киһи эбит.
Сиһилии РГ ааҕыҥ.
Хаартыска: СИАтан